Pagkuha og ticket sa mga bus puwede na sa online booking sa DCOTT

Davao City – Mas gipasayon pa karon sa tagdumala sa Davao City Overland Transport Terminal ang pag -biyahe sa buot muoli sa ilang mga probinsiya aron didto na mag-selebrar sa pasko uban sa ilang mga pamilya karong Disyember 25, 2023.

Subay ani, gikonpirma karon ni DCOTT Manager Aisa Usop nga mas paspas na karon makabiyahe ang katawhan karon nagmuntar na og online booking ang buhatan alang sa paglukat og ticket sa mga bus ng ilang sakyan nga dunay rota sa ilang distinasyon.

Giingon ni Usop nga ang buhaton lang sa publiko maong muadto sa DCOTT page ug sa sulod sa page makita ang online booking kung asa makita ang mga bus nga buot nilang sakyan lakip na ang rota ug pila usab ang pamasahe diin ang bayad puwede nang ipaagi sa gcash ug sa online payment.

Gipasabot sa opisyal nga bintaha ang online booking alang sa mga pasahero nga dili na buot makulgot sa terminal sanglit ang tanan maglukat sa ticket pinaagi sa online booking kay dili na sila kinahanglan pa mupila sa entrance inay mudiritso na lang sila sa ilang lingkuranan sa bus nga gi-assigned.

Ang pagmuntar sa online booking resulta matod pa kini sa pagdagsa sa mga pasahero niadtong nakalabay’ng Undas ug BSKE 2023, ug rason nganong nakigpulong si Usop sa mga bus companies aron mahatagan og katumanan ang pangandoy sa DCOTT Manager.

RadyoMaN Joel Viray