PAGPASANYOG SANG OYSTER FARMING SA ROXAS CITY, GINAPATUTOKAN!

17
Roxas City, Capiz – Ginasuportahan sang gobyerno sang syudad ang pagtib-ong sang Oyster Farming sa Roxas City.
Ini ang kasunod sang hinun-anon ni City Mayor Ronnie Dadivas kaupod ang tiglawas gikan sa nagkalain-lain nga ahensya sang gobyerno kag organisasyon para nga suportahan ang Oyster Farming ukon pagpatubo sang talaba.
Nakahanda naman nga maghatag sang assistance ang Bureau of Fisheries and Aquatic Resources(BFAR), Gerry Roxas Foundation(GRF)-Hublag, USAID Fish Right Program kag Crystal Bay Oysters para sa amo nga programa.
Sa amo nga dayalogo, gintalakay ang parti sa magpatukod sang Oyster Farming Intervention. Dapat man nga masunod ang BFAR-recommended nga mga disensyo sang floating raft.
Target nga pagasugoran ang amo nga proyekto sa mga coastal barangays nga magaserbe bilang model oyster farm.
Paagi sa amo nga mga interbensyon, nagasalig ang alkalde nga mapaayo pa ang kalidad sang talaba sang Roxas City kag mapasanyog ang turismo sa syudad.
by: Hervill Bonifacio | August 15, 2022
📸 – Ronnie Dadivas/FB
Facebook Comments