Pampublikong transportasyon sa Metro Manila, posibleng itaas na ang kapasidad sa ilalim ng Alert Level 1 – LTFRB

94

Ikinokonsidera na ng Department of Transportation (DOTr) at Land Transportation Franchising and Regulatory Board (LTFRB) na itaas ang kapasidad ng mga pampublikong transportasyon sa oras na ibaba sa Alert Level 1 ang Metro Manila.

Ayon kay LTFRB Executive Director Kristina E. Cassion, inirerekomenda nila sa Inter-Agency Task Force (IATF) na itaas sa 100% o full capacity ang mga pampublikong transportasyon.

Kabilang din aniya ito sa mga hinihiling ng PUV operators upang makabawi mula sa epekto ng pandemya at sunod-sunod na oil-price hike.


Sa kasalukuyan ay nasa Alert Level 2 ang Metro Manila kung kaya’t nasa 70% pa lamang ang capacity ng mga pampublikong transportasyon.

Facebook Comments