Good news para sa mga pasahero!
May handog na libreng sakay ang Light Rail Transit Line-2 (LRT-2) sa publiko sa darating na Independence Day sa Linggo, June 12.
Ang naturang libreng sakay ay kaugnay sa pagdiriwang ng ika-124 anibersaryo ng Araw ng Kalayaan ng Pilipinas.
Sa inilabas na abiso ng pamunuan ng Light Rail Transit Authority o LRTA, ang libreng sakay ay para sa lahat na pasahero mula ala-siyete ng umaga hanggang alas-nuwebe ng umaga at ala-singko ng hapon hanggang ala-siyete ng gabi.
Paalala naman ng LRTA sa mga pasahero na mahigpit pa ring sundin ang mga ipinatutupad na minimum health protocols kontra COVID-19 tulad ng tamang pagsusuot ng face mask sa loob ng tren.
Facebook Comments
