Pagadian City, Zamboanga del sur – Nabulabog ang mga lumulupyo sa Brgy. Lala ning syudad sa Pagadian kaganihang alas 8;45 ang takna sa buntag human nakaplagan ang patay nga lawas sa usa ka lalaki nga dili na masingo ang baho.
Sa imbestigasyon sa Pagadian City PNP, nailhan ang patay nga lawas nga si Milche Perocillo Guadalquiver , 43 anyos residente sa Purok Madasigon sa maong barangay.
Unang nakabantay sa patay nga lawas sa biktima mao ang uyuan niini nga si Maximo Guadalver human nakasimhot sa dili kasarangan nga baho sa sagbutan nga bahin samtang nagbaktas sa maong dapit.
Sumala ni Maximo nga ang iyang pag-umangkon nga nakaplagang patay nag-antos sa balatian sulod na sa duha ka adlaw. Posibleng kasubo ang gibati sa biktima human gibyaan sa iyang asawa ug mga anak niadtong tuig 2016.
Anaa na sa iyang pamilya ang patay nga lawas sa biktima.
