Nagtalaga si Pangulong Ferdinand Marcos Jr. ng dalawang bagong mahistrado sa Sandiganbayan at Court of Appeals (CA).
Si Commission on Appointments Deputy Secretary Ronald Chua ang bagong Associate Justice ng Sandiganbayan, habang si Department of Justice (DOJ) Assistant Secretary Randolph Pascasio ang bagong Associate Justice ng Court of Appeals (CA).
Nanumpa na sa tungkulin si Chua ngayong araw sa harap ni Supreme Court Chief Justice Alexander Gesmundo.
Papalitan niya si Associate Justice Ma. Theresa Dolores C. Gomez-Estoesta, na naitalaga na bilang Court Administrator ng Korte Suprema.
Samantala, pupunan naman ni Pascasio ang isa sa mga bakanteng posisyon sa CA.
Facebook Comments
