PBGEN Alexander Tagum ginmando ang pagpahugot sang seguridad sa bug-os nga rehiyon, matapos ang bus explosion sa Koronadal City.

27
Ginmando ni Police Regional Director 12 PBGEN Alexander Tagum ang pagpatuman sang hugot ng seguridad sa bug-os nga rehiyon dose matapos ang nagluntad nga pagpasigabong sa isa ka unit sang YBL nga ginkapilas sang tricycle driver.
Ginabaybay sang nasambit nga bus ang GenSan Drive, Brgy. Zone 3, Koronadal City sang nagsigabong ang likod nga parte sini nga nagresulta sang pagkapilas ni Wilfredo Ilagan Tino nga nagasunod sa likod nga bahin sang bus.
May-angot sini, ginsiguro ni PBGEN Tagum sa publiko nga nagapadayon ang ila nga imbestigasyon sa responsable kag motibo sa nasambit nga insidente.
Gilayon naman nga ginmando sang regional director sa SITG nga pangunahan ang Post Blast Investigation upod ang command group, quad staff, PD South Cotabato, COP Koronadal CPS kag Chief EOD.
Ginkondena naman sang pamunuan sang PRO 12 ang nasambit nga terroristic activity kag ginasiguro nga mahatagan sang hustisya ang mga biktima.
Samtang ginmanduan ni RD Tagum ang mga Provincial kag City Directors sa rehiyon nga magdeploy sang bus marshalls sa tanan nga key bus terminals kag pahugtan ang security measures sa mga areas of convergence.
Angot sini ginahahingyo man ni RD Tagum ang kooperasyon sang publiko nga kon may-yara sang makaduluda nga indibidwal kag aktibidad sa lugar ang gilayon nga ireport sa pinakamalapit nga police ukon security unit.
Facebook Comments