PBGEN Macaraeg ginamanduan ang mga municipal, city kag provincial police offices nga preparahan ang seguridad sa All Saints kag All Souls days.

Ginamaduan ni PBGEN Jimili Macaraeg, regional director sang Police Regional Office 12 ang mga municipal, city kag provincial police offices sa rehiyon nga preparahan ang ipatuman nga seguridad sa tagsa ka lugar sa All Saints’ kag All Souls’ Days sa masunod nga bulan.
May-angot sini, ginahangkat ni RD Macaraeg ang mga commanders nga magcoordinate sa tagsa sini ka mga local government unit para sa pagplastar sang traffic schemes kag guidelines sa entries sang mga nagkalain-lain nga sementeryo sa rehiyon.
Ginmando nya man ang pagbutang sang police assistance desk sa mga sementeryo agud nga mag-asister sa publiko sa bulig sang mga advocacy support groups kag iban pa nga force multipliers nga magaugment sa police personnel sa pagpatuman sang seguridad kag pagmintinar sang trapiko sa mga sementeryo.
Ginpahanumdom man ni RD Macaraeg ang mga commanders nga dugangan ang presensya sang mga pulis sa malls, transport terminals, simbahan, resort kag iban pa nga strategic areas sa All Saints’ kag All Souls’ Days.
Ginhingyo man niya ang kooperasyon sang publiko kag sundon ang polisiya nga ipatuman sang mga Local Government Units agud nga mangin malinong kag matawhay ang selebrasyon sang Undas.
Ginsiguro man ni PBGEN Macaraeg nga ang PRO 12 ang ginahimo ang tanan para sa kaluwasan, seguridad kag pagmintinar sang peace and order.
Facebook Comments