Ang suspek giilang si alyas “Boboy”, usa ka ulitawo nga mag-uuma ug residente sa maong lugar, nga nadakpan sa hiniusang operasyon sa Lupon Municipal Police Station, Revitalized Pulis sa Barangay (RPSB) Cluster 15 ug 2nd Davao Oriental Provincial Mobile Force Company (2nd DOPMFC) human makadawat og impormasyon gikan sa mga saksi.
Dugang pa nga wala pa’y mahatag nga motibo ang kapulisan ingon man ang ubang detalye sa kamatayon sa biktima tungod nagpadayon pa ang imbestigasyon niini, diin gidala na sab ang suspek sa Lupon Municipal Police Station alang sa dokumentasyon ug dugang imbestigasyon, samtang giandam sa kapulisan ang mga affidavit ug supporting documents alang sa tukmang kaso nga gilauman sab nga mapasaka karon nga semana.
Subay niini, gipahiluna na sab sa pamilya sa biktima ang patay’ng lawas niini niadtong Agosto 25, 2026.
Kahinumduman nga patay na nga nakit-an ang usa ka 16-anyos nga babaye sa maong lugar pasado alas-12:35 sa udto niadtong Agosto 20 human nakadawat og report ang Marayag Sub-Station gikan sa usa ka Barangay Kagawad, diin base sa inisyal nga imbestigasyon, giingong gibunalan sa ulo gamit ang gahi nga butang ang biktima nga maoy hinungdan sa kamatayon niini.
RadyoMaN Wil Duran
