Pinakauna nga Model ‘Bahay Pag-asa’ sa rehiyon dose ginbuksan sa Sultan Kudarat

22
Ginbuksan ang pinakauna nga Model Bahay Pag-Asa sang Department of Social Welfare and Development Office ukon DSWD 12 sa Tacurong City para sa mga children in conflict with the law sa rehiyon dose.
May-angot sini, may temporary shelter na para sa mga children at risk ukon CAR kag children-in-conflict-with-the-law matapos nga buksan ang duha ka panalgan nga Model Bahay Pag-Asa sa Barangay Clean.
Samtang ang nasambit nga pasilidad ang magaserbi nga halfway home para sa mga CAR kag CICL nga nagapaidalom sa rehabilitasyon kag interbensyon.
Sarang naman nga makaakumudar ang pasilidad sang 15 ka mga kliyente nga ginpatukod sa lote nga gindonar sang lokal nga panggobyerno.
Suno kay DSWD 12 Regional Director Restituto Macuto ang mga CAR kag CICL ang biktima man sang mga panghinabo tungod wala nagabayan sang ila nga mga pamilya.
Ang Bahay Pag-Asa sa Tacurong City ang ikalima sa mga gin-inagurahan sa rehiyon dose kag una naman sa mga ginpatukod base sa mga polisiya sang Juvenile Justice and Welfare Council ukon JJWC.
Ginpahayag ni RD Macuto nga ang mga syudad kag banwa nga may BPA centers amo ang General Santos City, Surallah kag Koronadal City sa South Cotabato kag Misayap sa North Cotabato.
Nagalaum naman ang JJWC 12 kag DSWD 12 nga madamo pa sang LGUs ang magasunod sa RA No. 9344 ukon ang Juvenile Justice and Welfare Act, nga ang tanan nga local government units ang kinahanglan mag-istablisar sang “Bahay Pag-asa,” ang 24-hour child-caring institution nga magaserbi nga residential care sang mga CICLs.
Facebook Comments