Davao City – Usa ka High Value Target ang gikasohan sa Talomo Police Station kagahapon Nobyembre 15, 2023, ang suspect mao si Jomel Darapan, alyas “Yat” , 28-anyos, pintor, human nasikop sa buy bust operation, alas 9:27 sa gabii, Nobyembre 13, 2023 sa Km. 8.5, Barangay Matina Pangi, Davao City.
Sa report gikan sa Talomo Police Station kasong kalapasan sa RA 9165 o Comprehensive Dangerous Drugs Act of 2002 ang napasaka batok sa suspetsado.
Ang dinakpan napalitan og illegal nga droga sa poseur buyer nga pulis ug nakuha ang nagkadaiyang gidak-on sa pakete nga gituohan shabu nga mokantidad sa P396,800.00.
Ang pagkasikop sa dinakpan kini kabahin sa mas gipakusgan nga kampanya kontra gidiling droga sa Talomo Police Station.
RadyoMaN Don Pulayao
Facebook Comments
