Roxas City, Capiz – Nagpalab-ot sang ila reklamo sa dyVR ang pila ka estudyante sang Capiz State University(CAPSU) angut sa plano sang pamunoan sang unibersidad para sa graduation ceremony subong nga tuig.
Base sa inisyal nga nahisugtan sang board, isahon na lamang ang graduation rites sang kabug-osan nga siyam ka campuses kag satellite college sang CAPSU sa diin ini ang igapatigayon sa Capiz gymnasium.
Apang reklamo sang mga estudyante amo nga bangud sa limitado nga seating capacity, indi maakomodar ang gina-ekspektar nga 3, 500 ka mga graduating students sang unibersidad lakip na ang mga ginikanan sang mga ini.
Ginplanohan nga ang mga parents ang sa guha lamang sang gym magalantaw paagi sa iga-provide nga screen.
Samtang ang pagatugotan lamang amu ang mga ginikanan sang mga estudyante nga may mga honors.
Suno diri, nga tuman ka unfair para sa ila kag sa ila mga ginikanan ang amu nga sistema.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
