General Santos City–Nasakmit sa tulo ka unit sa PRO 12 ang pipila ka mga dagkong award sa bag-ohay lang nahuman nga 118th PNP Service Anniversary nga gipahigayon sa Camp Crame nga gipangunahan ni Presidente Rodrigo Duterete Ug Police General Oscar Albayalde.
Sumala pa ni Police Lieutenant Col. Adlrin Gonzales ang tigpamaba sa PRO 12 nga nasakmit sa North Cotabato Provincial Police Office ang Best Provincial Police Office sa tibuok Pilipinas sa pag panguna ni Police Colonel Maximo Layugan, samtang nakuha man usab sa Sarangani Provincial Mobile Force Company ang Best Provincial Mobile Force Company sa pag panguna ni Police Lieutenant Col Jeofel Remudaro ug ang Best City Mobile Force Company nasakmit sa General Santos City Mobile Force Company nga gipangunahan ni Police Lieutenant Col. Josemarie simangan.
Dako ang kalipay nga gibati karon ni Police Brigadier General Eliseo Rasco ang Regional Director sa Police Regional Office 12 tungod sa kadaugan nga nasakmit sa rehiyon ilalum sa iyahang pagdumala.
Sumala pa ni Lt/Col Gonzales nga maayu matud pa kini nga regalo alang kang General Rasco nga mabalon usab niini sa iyahang pagretero karong tuiga ang nahimong kadaugan sa iyahang ginsakopan.
Gani nanghinaot man usab kini nga ipadayon sa mga nidaug nga mga unit ang ilahang maayung trabaho.
Samtang proud matud pa si Police Col Aden Lagradante ang City Director sa General Santos City Police Office human nga nasakmit sa General Santos City Mobilie Force Company ang titulong Best City Mobile Force Company sa tibuok Pilipinas.
Sumala pa niini nga kini ang pinakaunang higayon kung asa nakuha sa GSCPO ang maong titulo luyo paman sa kadaghang mga City Mobile Force Company ang gipilian sa Kampo Crame ug ang syudad ang maoy nalakip sa top 3 uban sa Cagayan De Oro City Mobile Force ug Davao City Mobile Force.
Dugang pa ni Col. Lagradante nga makapataas matud pa kini sa moral sa iyahang mga sakop ug mas ayuhon pa nila ang ilahang pag panarbaho isip pulis. (Dave Silagan)
