CAUAYAN CITY – NAKATAKDANG ISAGAWA NG CITY HEALTH OFFICE 2 ANG PUROKALUSUGAN AT TB CARAVAN NGAYONG ARAW, IKA-6 NG NOBYEMBRE.
GAGANAPIN ANG NATURANG AKTIBIDAD SA BRGY. BUYON, CAUAYAN CITY GANAP NA ALAS-8 NG UMAGA HANGGANG ALAS-4 NG HAPON.
ILAN SA MGA SERBISYONG HATID NG KANILANG OPISINA AY ANG FREE CHEST X-RAY NA LIMITADO LAMANG SA 200 BENEFICIARIES, SPUTUM EXAMINATION PARA MATUKOY KUNG MAY INFECTION O VIRUS ANG RESPIRATORY SYSTEM, MEDICAL CONSULTATIONS, HIV SCREENING AT TESTING.
AYON SA CHO 2, NAGKAROON NA SILA NG PRE-LISTING NG MGA BENEPISYARYO SUBALIT HINIHIKAYAT PA RIN NILA ANG PUBLIKO LALO NA ANG MGA KALAPIT NA BARANGAY NA DUMALO SA KANILANG PROGRAMA.
LAYUNIN NG AKTIBIDAD NA ITAGUYOD ANG KALUSUGAN AT KAGALINGAN NG MGA TAO SA PAMAMAGITAN NG TAMANG IMPORMASYON, PAG-IWAS SA SAKIT, AT PAGBIBIGAY NG AKSES SA SERBISYONG PANGKALUSUGAN.
