CAUAYAN CITY – PATULOY ANG PAGTATAYO NG MULTI-PURPOSE BUILDING SA BRGY. GUAYABAL, CAUAYAN CITY, ISABELA.
AYON KAY BRGY. CAPTAIN DAISY MARIBBAY, SINIMULAN ITO NOONG BUWAN NG AGOSTO NGAYONG TAON AT INAASAHANG MATATAPOS SA IKALAWANG LINGGO NG DISYEMBRE.
DAGDAG PA NITO, DALAWANG PALAPAG ANG NABANGGIT NA GUSALI KUNG SAAN PAGSASAAYOS NALANG NG BUBONG, PAGLALAGAY NG MGA PINTO AT BINTANA, AT PAGPIPINTURA NA LAMANG ANG KINAKAILANGANG TAPUSIN.
SINABI PA NG KAPITAN NA BINABALAK DIN NILANG ILIPAT ANG DAYCARE AT SK OFFICE KAPAG NATAPOS ANG NATURANG GUSALI.
SAMANTALA, MALAKING TULONG RIN UMANO ITO DAHIL MAAARI RING MAGAMIT BILANG EVACUATION CENTER TUWING MAY BAGYO.
ANG PONDONG GINAMIT PARA SA NATURANG GUSALI AY MULA KAY DATING CONGRESMAN FAUSTINO “INNO” DY.
