Alayon ani, giadtoan sa DXDC News Team ang balay sa Suspek nga si Favin Clark, hamtong ang pangidaron, ug nagpuyo sa Landmark 3, Sasa, aron unta kuhaan og reaksyon ang kabanay apan wa’y tawo ang ilang balay.
Mibalidad sa interview si Sasa Pnp Chief of Police Major Jabagat ug gipasa kami sa DCPO Public Information Officer alang sa pagsuta sa dugang kasayuran labot sa giingong pagsukol sa suspek sa kapulisan.
Suma ni Spokesperson Police Captain Hazel Tuazon nga basi sa imbistigasyon, usa ka babaye hamtong ang pangidaron ang midangop sa Sasa PNP ug mitug-an nga gilugos kini sa napatay nga suspek.
Sigun ni Tuazon nga saysay sa Biktima nga misugot kini nga ang suspek maoy mu- uban kaniya sa pagkuha sa parcel niini nga selpon tungod higala sa iyang kaila ang napatay.
Apan wala damha niini nga pag-abot sa lugar nga ilang giadtoan lugoson kini sa Suspek, ug rason nagpahigayon og duha ka follow-up operation ang Sasa PNP ug hangtod na tiempohan ang suspek sa Panacan diin imbes mutahan giingong misukol na hinoon kini sa mga tinugyanan sa balaod.
Gisuwayan pa og dala sa SPMC ang suspek apan namatay ra gihapon kini gumikan sa igo sa bala sa lawas niini.
RadyoMaN Joel Viray
