REGIONAL FINANCE STAFF SANG CPP-NPA, ARESTADO SA ROXAS CITY!

39
Roxas City, Capiz – Arestado ang Regional Finance Staff sang Komiteng Rehiyon-Panay sang CPP-NPA sa ginkasa nga operasyon Block 4, Lot 17, Happy Homes Subdivision, Barangay Sibaguan, Roxas City, Capiz bangud sa paghupot sang pusil, bala kag eksplosibo.
Ginkilala ang mga subject nga amo sanday Lenilyn Jaynos alias Sandra samtang wala naman naaktuhan sanday Cirila Estrada alias Sheila Gonzales/Cora kag Marivie Arguelles sang ginserbe ang search warrant.
Natigayon nga marekober sa ginapuy-an ni Lenilyn Jaynos ang isa ka unit sang .45 Caspian; isa ka unit Caliber .45 Colt; duha ka magazine sang Caliber .45; 82 ka mga bala; isa ka unit sang MK2 Grenade Hand Fragmentation; isa ka unit sang PRB 423 Grenade Hand Fragmentation; isa ka plastic box para sa hand grenade; isa ka Black sling bag; duha ka identification card; isa ka flag “Gabriella” colored violet; duha ka tarpaulin “Gabriella”; isa ka sling bag colored green kag iban pa nga mga subersibo nga dokumento.
Ang amo nga search warrant ang ginpapanaog kag pirmado ni Judge Esperanza Isabela E Poco-Deslate sang Regional Trial Court Branch 19, Roxas City, Capiz, napetsahan Setyembre 2, 2022.
Natigayon ang amo nga operasyon (Integrated Military Police Operation) paagi naman sa bulig sang ginhugpong nga pwersa sang Criminal Investigation and Detection Group, Police Regional Office 6 kag Philippine Army.
Facebook Comments