Davao City – Gikasohan na sa Toril Police Station sa kasong paglapas sa RA 9165 o Comprehensive Dangerous Drugs Act of 2002, ang retired police nga si SPO1 Emilio Altazo, alias “Art”, 59 anyos, human nasikop ug napalitan sa illegal nga droga sa buy bust operation alas 5:55 sa hapon March 12, 2024 sa Purok 9, Communal, Camp Catitipan, Buhangin, Davao City.
Sa interview sa DXDC RMN Davao kang Police Captain Marlon Donquilab, Hepe sa Toril Police Station gisulti niya, si Altazo na-assign sa Buhangin Police Station niadtong 2006 ug anaa kini sa drug watchlist.
Segun ni Donquilab, katapusang na-assign ang maong kanhi pulis sa Regional Chaplain sa Police Regional Office (PRO-Xl) ug nagretiro niadtong tuig 2017.
Narekober sa mga awtoridad sa posisyon sa dinakpan, ang 5 grams nga gidaghanon sa shabu nga mokantidad sa P80,000 ug nakumpiska ang buy bust money ug mga illegal drugs paraphernalias.
RadyoMaN Don Pulayao
Facebook Comments
