Davao City – Nagpagawas og pahimangno ang Department of Environment and Natural Resources (DENR) XI batok sa mga indibidwal nga ilegal nga naglabay og basura sa pampublikong lugar.
Sumala sa ahensya, gidili ang pagpataka og labay sa basura, paghulog, ug pagtambak niini ubos sa Republic Act 9003 o Ecological Solid Waste Management Act of 2000.
Kini human adunay dili awtorisadong paglabay og basura sa atubangan sa opisina sa DENR XI. Matud sa ahensya nga nag-andam na sila og legal nga aksyon batok sa mga responsable sa maong paglapas.
Dugang pa sa DENR XI, nailhan na ang mga sakyanan ug mga tawo nga nalambigit sa insidente. Gipasidan-an usab sa ahensya ang publiko nga sundon ang hustong pagdumala sa basura aron malikayan ang mga silot ug kasong mahimong atubangon ubos sa balaod.
RadyoMaN Kareen Beltran
Facebook Comments
