Davao del Norte – Sikop sa kapulisan ang walo ka mga lalaki atol sa operasyon sa Purok Nagkaisa, Barangay Lapaz, Carmen, Davao del Norte, human masakpan nga nagkarga og gituohang mga smuggled nga sigarilyo pinaagi sa usa ka Jung Kong nga sakayan ug duha ka container van.
Narekober sa mga operatiba ang 917 ka master cases sa nagkadaiyang brand sa sigarilyo nga adunay kinatibuk-ang kantidad nga P22.9 milyon. Nakuha usab sa operasyon ang mga sakyanan, armas, mga bala, ug ubang personal nga gamit nga gituohang nalambigit sa maong kalihokan.
Sumala sa kapulisan, ang mga sigarilyo gituohang gikan sa Sulu ug walay hustong dokumento sa customs ug tax stamps.
Sa karon, nakakustodiya na ang mga dinakpan ug atubangon ang mga kaso sa paglapas sa RA 12022, RA 10643 o Graphic Health Warning Law, ug RA 8424.
RadyoMaN Kareen Beltran
Facebook Comments
