Sara: Davao ‘test before travel’ sa domestic travel dili ibalik

47
Davao City – Subling giklaro ni Davao City Mayor Sara Duterte-Carpio nga walay plano ang City Government of Davao nga ipatuman pagbalik ang ‘test before travel’ policy diha sa Davao International Airport (DIA) alang sa domestic/local travelers.

Gipasabot sa alkalde (sa interbyu sa city-owned radio), dili makapugong ang ‘test before travel’ sa pagsulod sa Coronavirus Disease 2019 (COVID-19) sa dakbayan, ug dili garantiya nga dili na magbaton og surge, kung basehan ang kasinatian kaniadto.

“Ang basehan nato ang atong test before travel kaniadto, we still had many cases and surge. It will not prevent the entry of COVID. It will just force people to spend on (swab) tests and force others to resort to land travel. Kaniadto, ideal ang screening kay wala may tambal, walay bakuna,” sulti sa mayor.

Sa pagkakaron, aduna nay bakuna nga available nga makatabang aron dili mamahimong kritikal o severe ang tawo kung kini mataptan sa makatakod nga balatian, hinungdan nga padayon ang kampayan sa lokal nga gobyeno labot sa pagpabakuna batok COVID-19.

RadyoMaN Kirby Manzon

Facebook Comments