Selos motibo sa pag patay sa cartaker ug manok sa iyahang live-in

27

General Santos City—selos ang gitudlong motibo sa usa ka caretaker ug manok nga si Joey Bulani, legal age, lumad nga taga Barangay barangay todok, Glan, Sarangani Province ug stay-in sa poultry farm nga nahimutang sa Purok Nopol, Barangay Conel ning syudad sa pagpatay sa iyang kaipon nga si Jessa Mae Opong.

Sumala pa sa igsuon sa biktima nga si Lovelyn Opong nga seloso matud pa kaayo ang nasangpit nga suspect hinungdan nga gibulagan kini sa iyahang magulang apan daw sa dili niini madawat ang pagbiya kaniya sa biktima.

Kaniadto na pablotter na usab nila sa barangay ang suspect human nga gi-suwayan niini ug dunggab ang biktima,

Dugang pa ni Lovelyn nga dugay nang nagbulag ang duruha ug gakita nalang alang usab sa ilahang duha ka anak.

Sa kasamtangan padayon pang gipangita sa kapulisan ang suspect nga misibat human ang maong krimen samtang nanawagan nalang usab si Lovelyn sa suspect nga makonsensya sa iyahang gibuhat ug musurrender nalang sa kapulisan.

Facebook Comments