Senador Jinggoy Estrada, guest speaker sa opening program sang 2022 T`nalak Festival, 5 ka mga banwa magapasundayag sa Thematic dance competition.

32
Ginkumpirmar ni T`nalak Festival opening committee in charge Emmanuel Jumilla ang pag -abot ni Senador Jinggoy Estrada sa Hulyo 14.
Magaserbe nga guest speaker si Senador Jinggoy Estrada kag makig-upod ini sa mga opsyales sang probinsya sa pagdeklarar sang pormal nga pagbukas sang T`nalak festival sa South Cotabato sports complex.
Samtang, nagpahanumdum si Jumilla nga bukas ang gate malapit sa talatapan sang boy scout kag ang gate sa South Cotabato gymnasium agud maagyan sang publiko pasulod sa sports complex agud makatan-aw sang mga aktibidad sang T`nalak opening salvo.
Ginalauman ang isa ka magarbo nga grand production ang masaksihan sang publiko sa diin mangin sentro sini ang local artists sang probinsya.
Samtang lima naman ka mga banwa sa South Cotabato ang magapasundayag sa T`nalak Thematic dance competition sa una nga adlaw sang Tnalak festival kag ini am ang banwa sang Norala, Koronadal, sto. Nino, suralah, kag tupi.
Nagalab-ot sa trenta tubtub kwarenta ka mga performers kada grupo ang magapasundayag nga magalawig naman sa lima tubtub pito ka minutos.
Isa ka ambahanon ang pagagamiton sang tanan nga mga contingents. Ang ini nga ambahanon ang gin composed sang isa ka empleyado sang kapitolyo.
Makaangkon sang tig – isa ka gatos ka libo ang pagakilalahon nga kampeon samtang, tag setentay singko mil pesos kag singkwenta mil pesos ang runner-ups.
May mabaton nga biente mil pesos ang indi mapalaron nga grupo.
Facebook Comments