General santos City— Gipahigayun sa general santos city police office ang usa ka simulation exercise sa gensan oval plaza alas 10 ang takna sa buntag kung diin nag buhat ug senaryo ang kapulisan nga adunay nahitabong pag pamomba sa syudad aron nga masayran kung unsa ka paspas ang mamahimong pag responde sa kapulisan.
Sumala pa ni PSupt Lauro Espida ang labaw sa Police Operation Office sa General Santos City Police Office nga gibuhat sa kapulisan ang maong senaryo aron usab nga masayran kung unsa ka andam ang kapulisan sa syudad panahon sa samang mga panghitabo hilabi na kay nagkaduol na ang selebrasyon sa kalilangan nga posible usab mamahimong target sa mga terorista.
Human matud pa sa ilahang gihimoong simulation exercises adunay pagahimuon nga evaluation sa maong aktibidad aron usab nga ilahang mahisgutan ang mga gikinahanglan pa ug improvement.
Ang maong simex ang gisalmotan sa mga EOD team sa GSCPO, kasundalohan ug coastguard uban ang ilahang mga bomb sniffing dog ingon man ang medical team sa GSCPO ug ang SOCO 12. (Dave Silagan)
