Gitingkagul na sa bilangguan ang usa ka senior citizen nga nasikop sa mga kapulisan atol sa gipahigayong drug buy-bust operation didto sa Sayre Highway, Purok-11, Poblacion, Valencia City, Bukidnon kagabie.
Giila ang suspetsadong nadakpan nga si Jessie Belisario, 61 anyos, minyo, ug residente sa Purok-7, Poblacion, Valencia City, Bukidnon.
Nakompiska gikan sa suspek ang usa ka heat sealed transparent plastic sachet nga mikontinar og drogang shabu nga gibana-banang mukantidad og P3400.00 nga mitimbang og 0.50 gramos. Narekober usab ang usa ka P500 bill ug usa ka unit sa keypad nga cellphone.
Gidala na sa Valencia City Police Station ang dinakpang suspetsado lakip ang mga nakompiskang ebidensya nga layong iturn-over sa PNP Provincial Forensic Unit sa Malaybalay City alang sa eksiminasyon.
Samtang mag-atubang sa paglapas sa RA 9165 kon Comprehensive Dangerous Drugs Act of 2002 ang dinakpang suspetsado.
Facebook Comments
