SSS, target nga mahatagan og billing statement ang halos 1,000 ka mga deliquent employeers sa Bukidnon

28
Gipahayag karon sa Social Security System (SSS) Valencia City Branch nga muabot sa halos usa ka libo ka mga employers sa probinsya sa Bukidnon ang nasutang mga *delingkwente* o wala nagbayad sa contributions.

Sa interview sa RMN ngadto kang Engr. Jose Roel Herbietto ang manager sa SSS Valencia City Branch, gibutyag niini nga muabot sa 975 ka mga delinquent employers diin adunay kapin 8,000 ka mga empleyado.

Matud niya nga ang mao nga mga employers target nilang ma-isyuhan og notice sa non-compliance sa pag-remit sa contributions sa ilang mga empleyado.

Target matud pa nila nga 80% sa mao nga ihap, ilang masingil.

Sigun ni Manager Herbieto nga ubay-ubay na ang ilang nahatagan og statement of account ug billing nga mga employers human ilang gisugdan ang ilang nationwide nga kampanya nga Run After Contribution Evaders (RACE) Campaign.

Ang RACE campaign subay sa direktiba ni SSS President ug Chief Executive Officer Micheal Regino uban sa pakiglambigit sa Local Government Unit (LGU) sa siyudad sa Valencia.



Ang SSS matud pa kaabag ug dili kontra tungod kay ang ilang nag-unang tumong mao ang pagkolekta sa mga kontribusyon nga gikinahanglan sa paghatag og benepisyo sa SSS ug pribiliheyo sa ilang mga empleyado kinsa mga miyembro sa SSS.

Gidugang sa SSS manager nga ang mga employers nga nag-past due ang ilang social security contributions as of March 2020 mamahimong makapahimulos sa Pandemic Relief and Restructuring Program (PRRP) ug ang Condemnation of Penalties sa SSS Contributions.

Facebook Comments