Sta. Maria rape incident: Suspek sa paglugos sa 9 anyos nadakpan na

Davao City – Gikustodiya na sa Sta. Maria Municipal Police Station (MPS) ang suspek sa paglugos-patay sa usa ka 9-anyos nga batang babayi nga napalgan na lamang nga wala nay kinabuhi sa bakilid nga bahin sa Sitio Pimpin, Barangay San Agustin, Sta. Maria Davao Occidental niadtong Biyernes (Nobyembre 11, 2022).

Sa interbyu sa DXDC RMN Davao kang Patrolman Fema Dela Rosa, personahe sa Sta. Maria Municipal Police Station (MPS), ang suspek nga si alyas Eric, usa ka 28 anyos nga taga-Sitio Tibungoy, Sta. Maria, Davao Occidental.
Nadapakpan ang suspek ala 1:00 sa kaadlawon niadtong Sabado, Nobyembre 12, 2022 sa Barangay Calian, Don Marcelino, Davao Occidental atol sa gilusad nga manhunt operation.

Kasong rape with homicide ang atubangon sa suspek, diin ginapalawman pa ang imbestigasyon kung unsa ang motibo sa krimen.
Kahinumduman, una pa nahitabo ang insidente, gisaysay ni Tatay Eddie, apohan sa biktima, nananghid nga maligo og dagat ang biktima kauban ang ig-agaw ug manghod niini nga minor, dayon nanguli na kini apan milakaw matud pa ang biktima kinsa daling gipangita human wala makauli sa maong adlaw.

RadyoMaN Kirby Manzon