Nagpasya ang House Prosecution Panel na huwag ng ipresenta sa Impeachment Trial ang dalawang dating security officers ni Vice President Sara Duterte (VPSD) na sina Col. Raymund Dante Lachica and Col. Dennis Nolasco gayundin ang dati nitong bagman na si Ramil Madriaga.
Ayon kay House impeachment team adviser and spokesperson Ace Barbers, inalis na bilang mga testigo ang tatlo para sa unang Article of Impeachment patungkol sa umano’y maling paggamit ni VPSD ng confidential funds.
Diin ni Barbers, sapat na ang mga testimonya at testigo na naipresenta ng prosekusyon sa impeachment trial na magpapatunay sa misuse, misappropriation, at irregular liquidation ni VP Sara ng P612.5 confidential funds.
Ayon kay Barbers, kabilang sa mga testigong nakalinyang iharap ng prosekusyon sa paglilitis mula Sept 7 – 8 ay sina dating Department of Education Schools Division Office (DepEd SDO) Edward Fajarda at misis na si DepEd Assistant Secretary Sunshine Charry Fajarda.
Kasama din sa listahan sina Philippine Statistics Authority (PSA) Assistant National Statistician Marizza Grande; Police Maj. Jovelyn Magay; at Commission on Audit (COA) official Bresilio Sabaldan.
