Pinangunahan ni PLT Florence M. Rapacon, Deputy Chief of Police, ang aktibidad na naglalayong palakasin ang kamalayan ng kabataan hinggil sa pag-iwas sa krimen at pagpapanatili ng ligtas na kapaligiran sa paaralan.
Dinaluhan ito ng mga mag-aaral mula Grade 10 hanggang Grade 12, kasama ang mga guro at kawani ng paaralan. Kabilang sa mga paksang tinalakay ang pag-iwas sa sexual harassment, anti-bastos at rape, anti-bullying awareness, mga tip sa kaligtasan sa paaralan, at mga proactive measure laban sa active shooting.
Binigyang-diin sa aktibidad ang kahalagahan ng edukasyon, kamalayan at sama-samang pagkilos upang maiwasan ang iba’t ibang uri ng banta sa seguridad ng mga mag-aaral at guro.
Sa pamamagitan ng patuloy na pagbibigay-kaalaman at pagpapalakas sa kabataan, layunin ng mga awtoridad na makalikha ng isang kapaligiran sa paaralan kung saan ang bawat mag-aaral ay ligtas, iginagalang, napoprotektahan at nabibigyang-kakayahang makilahok sa pagpapanatili ng kapayapaan at seguridad.
Bahagi ang naturang programa ng patuloy na pagsusulong ng Philippine National Police sa mga hakbangin para sa crime prevention, youth empowerment at school safety. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
