Davao City- Sama sa atong gi-ekspektar, aduna gayuy mga ‘nadakpan’ sa dihang subling gipatuman ang mga balaud-trapiko sama pananglit ang Anti-Jaywalking Ordinance ug uban pang mga pertinenteng regulasyones diha sa pagpatunhay sa atong panakayan.
Nagpasabot lamang kini nga bisan pa man sa hataas nga panahon sa pagpahibalo ug pagpahinumdom ngadto sa tanan, aduna gihapoy wala masayud, ang uban dili lang gyud kaantigo mosunod bisan sa pinaka-simpleng talamdan sa dalan.
Ang nilugdangan niining tanan mao ang pag-instalar pag-usab sa disiplina ngadto sa tanang naggamitan sa atong kadalanan haron mapahinumdom nato nga ang mga agianan iya kini sa tanan hinungdan nga angay magrespetar sa katungod sa matag usa.
Sa dihang ato kining hingpit nga pagatumanon, mamahimong hilway unya ang tanan ug mamahimong hapsay ang atong paglawig gikan sa atong gigikanan paingon ngadto sa atong tagsa-tagsa ka mga rumbo o direksyon.
Kasamang June Duterte
