Usa ang patay ug usa ang angol sa panig sa mga sundalo’ng sakop sa 26th IB Phil. Army sa natigayung 30 minutos nga engkwentro sa bukirang bahin sa Brgy. Binucayan, Loreto, Agusan del Sur sa alas 7:30 sa buntag, Agusto 31 batok sa Guerilla Front Committee 34 sa New Peoples’ Army (NPA).
Wala naka-survive si Sgt. Jonathan Ondog sa naangkong samad sa abaga nga bahin ug nakutloan sa kinabuhi samtang gibyahe unta padulong sa Hospital. Samdan usab ang laing usa ka Private sa 26th IB nga wala panganli ni LTC Rommel Pagayon, ang commander sa 26th IB Phil. Army.
Dili moubos sa 30 ka mga armadong NPA ang na-engkwentro sa tropa sa military nga mirespondi sa lugar human nadawat ang report gikan sa mga sibilyan nga adunay presensya sa mga armadong grupo.
Apan laing impormasyon ang mitumaw nga dili engkwentro ang natigayun kondili ambush didto sa *B*rgy. Binucayan, Loreto, Agusan del Sur. (by: Archer Capadeso)
