Sunog ni-ulbo sa Aurora, damyos sobra sa tunga sa milyon

71
Aurora, Zamboanga del Sur – Nibalor sa sobra sa tunga sa milyon ang natala nga damyos sa sunog nga nahtabo didtung dapita sa Purok Dhalia, Poblacion, Aurora, Zamboanga del Sur.
Alas 8:15 na ang takna kagabii February 11, 2022, nadawat sa kapulisan sa Aurora MPS nga sa may alas 7:55 nagsugud paglamoy sa balay ang kalayo.
Sa imbestigasyon sa PNP Aurora gipanag-iyahan ang maong balay ni Mr. Romil Lague Rullan, 53-anyos, minyo, ug residente sa maong lugar.
Ang balay ang gi-rentahan matod pa ni Mr. Arnold Mariquita a.k.a. oling, hingkod ang panuigon, minyo, negosyante, residente sa mao ra usab nga dapit.
Nasayran usab sa imbestigasyon nga si Arnold Mariquita naa sa sulod sa maong balay sa dihang niulbo ang kalayo.
Nalamoy sa kalayo ang bahin sa maong balay nga nidamyos ngadto sa kantidad nga 648,000 ka pesos.
Si Mariquita ang nadala sa Aurora Community Hospital human kini ang naka-angkon og sunog sa iyang kalawasan.
Ang mga elemento sa Bureau of Fire Aurora ug PNP padayon pa sa gilusad nga imbestigasyon may kalabigitan sa maong insidente.
Facebook Comments