Sa pakighinabi sa DXDC RMN Davao Police Lieutenant Col. Wildemar Tiu, hepe sa Tagum City Police Station gibutyag niini, naukay pagbalik ang maong istorya kabahin sa alegasyong pagpatay sa ama-ama ngadto sa iyang stepdaughter sa Panabo ug na-atol usab karon nga nakalutan ang mga bukog sa biktimang si Arong.
Dugang ni Tiu, niadtong tungora gikumpirma sa inahan nga ang na-recover nga gamit gipanagiyahan sa iyang anak nga si Quinnie Grace Arong ug mao kini ang ulahing gisuot sa biktima una pa kini na-missing.
Samtang gikumpirma usab sa tag-iya sa boarding house nga ang pisi nga nalakip sa napalgan, mao ang halayan nga iyang gibuhat ug ang tuwalya gipanag-iyahan matud pa sa suspetsado.
Sa gilusad nga imbestigasyon, giilang ang suspetsado nga si alias Jay ug usa ka photographer kinsa at large pa ning kasamtangan. Alegasyong mao kini ang mi-offer sa biktima nga himuong usa ka modelo nga giingong dalahon sa Davao ug sa Manila.
Sa pagkakaron, padayon pang ginapangita ang nagtago-tago nga suspetsado ug gipaspasan ang proseso sa warrant of arrest, samtang wala pa kini masilbi giawhag sa kapulisan nga motahan na ang mga suspetsado aron atubangon ang pasangil batok kanila.
RadyoMaN Kareen Beltran
