Tapaz, Capiz – Mas labi pa nga pasangkaron sang Tapaz PNP ang intelligence gathering sa mga kabarangayan angut sa report sang lapnagon nga pagpatigayon sang ilegal nga pagbulang sa nasambitan nga lugar.
Sa matandaan, ginrespondehan sang mga katapo sang kapulisan ang bulangan nga nahamtang sa Barangay Agcococ, Tapaz kun sa diin naaktuhan sang mga ini ang ginapatigayon nga ilegal nga aktibidad.
Arestado sang mga kapulisan ang 11 ka mga persona. Narekober man ang pito(7) tanan ka patay na nga manok nga pagbulang kag iban pa nga mga paraphernalias.
Samtang wala makumpiska ang taya sang mga ini bangud madasig nga nagpalagyo ang iban nga mga persona sang mamutikan ang presensya sang mga otoridad.
Ginpahayag ni PLt. Dennis Losbañes, Deputy Acting Chief of Police/PIO sang Tapaz PNP nga magapangatubang sang kaso nga paglapas sa PD 1602(Cockfighting) ang nasambitan nga mga persona.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
