TELEKONSULTA, GILUSAD SA DEPED GENSAN

12

General Santos City–Inisyatibo sa DePed Gensan ang pag-hire ug mga Doktor nga maoy tutok sa panglawas sa mga estudyante ug mga magtutudlo. Sumala kang DePed Gensan Schools Division Superintendent Rommelito Flores nga usa ka Medical Doctor ug usa ka Dentista ang bag-ong nasulod sa DePed Gensan nga maoy magpahigayon ug telekonsulta.

Tumong matud pa niini aron mahatagan ug konsultasyon ang mga magtutudlo nga libre, ang ilaha lang matud pang himuon mao ang pag-access sa FB page sa DePed Gensan nga “Telekonsulta”. Dugang pamahayag ni SDS Flores nga ilaha kining gihimo aron mahatagan ug medical services ang mga magtutudlo ug mga learners.


Gawas sa medical, aduna usab online consultation para sa dental services, kung asa pareho gihapon ang proseso, kinahanglan lang nga magsend ug message ang kinsa mang gustong magpakonsulta aron usab mahatagan ug pagtagad. Pagpaklaro ni SDS Flores nga dugay na nilang ginahimo ang maong aktibidad, apan karon lang mas nahatagan ug mas dakong pagtagad.(LVR)

Facebook Comments