Dead-on-arrival sa balay-tambalanan ang Teller sa usa ka STL Outlet human nga gipusil sa wala mailang suspetsado pasado alas 4:40 sa hapon adtong Sabado didto sa Purok-2, Central Poblacion, Kalilangan, Bukidnon.
Giila ang biktima nga si Laiza Magallanes Ebcas, hingkod ang pangidaron, STL Teller, ug residente sa lugar.
Sumala sa report, nga kalit lang miduol ang suspek ngadto sa biktima ug misangpit sa pulong nga “Taya ko Gwaps” dungan sa pagtion sa kalibre .45 nga pistola ngadto sa biktima.
Nahimo pang malikayan sa biktima ang unang pagbuto sa pusil hinungdan nga namwersa ang suspek ug didto gisulod ang outlet ug gipabuthan og usab ang biktima hinungdan sa kamatayon.
Human ang krimen, daling misibat ang suspek sakay sa usa ka single motor padulong sa norte nga direksyon.
Facebook Comments
