Temporary closure sa mga kadalanan nga maapektuhan sa selebrasyon sa Kaamulan Festival, gimandu sa LGU-Malaybalay

Gimandu karon sa lokal nga pangagamhanan sa Malaybalay City sa pagpangulo ni Mayor Atty. Jay Warren R. Pabillaran ang temporaryong pagpasara sa mga kadalanan nga maapektuhan sa mga kalihukan sa Kaamulan Festival 2023.

Kini ang naglangkub sa Executive Order no. 25 series of 2023 pinirmahan sa Mayor ning siyudad pinitsahan Marso 13.

Gawas sa natigayong Opening ceremony adtong Sabado, Marso 25, lakip usab nga gikinahanglan ang temporary closure sa mga kadalanan sa siyudad nga maapektuhan mao ang ipahigayong Street Dancing Night Practice sa umaabot Abril 12 ug Abril 20 alas 8 sa gabie hangtud alas 12 sa kadlawon, Float Arrangement ug Street Dancing Competition Proper sa Abril 22 gikan alas 3 sa kadlawon.

Ginasiguro matud pa sa maong kamanduan ang luag nga dagan sa trapiko ug malikayan ang pagkadelatar sa maong mga kalihukan sa selebrasyon sa Kaamulan Festival 2023.

Facebook Comments