Damyos sa sunog nga natigayon sa Barangay Bangcud, Malaybalay City padayon pang ginasuta

Padayon pa nga ginasuta karon sa mga kabomberohan ang damyos sa sunog nga natigayon sa Barangay Bangcud, Malaybalay City, Bukidnon.

Sa opisyal nga pamahayag ni FO3 Brent Clyde Suico, sa Bureau of Fire and Protection (BFP)-Malaybalay, gibutyag niya nga sa padayon pa nila nga ginaimbestigahan ang maong sunog pagsuta ilabi na sa damyos niini.

Duha sumala pa ka panimalay ang giabo sa sunog kagahapong adlawa partikular na sa Purok-5, Barangay Bangcud, Malaybalay City nga gipanag-iyahan sa Catelo Family.

Miabot sa ikaduhang alarma ang maong sunog diin duha ka mga binuhing baboy ang namatay samtang gikataho usab nga nakaangkon og minor injury ang senior citizen nga nagpuyo sa usa sa mga panimalay.

Pasado alas 3 kagahapong adlawa nakadawat og tawag ang kabomberohan kabahin sa maong insidente sa sunog ug dali dayon kining girespondihan ayha na konsiderang fireout pasado alas 4:20 sa hapon.

Facebook Comments