Sa interbyu sa DXDC RMN Davao kang Colonel Darren Comia, TFD commander, gibutyag niini nga hugot ang ilang gipatumang security measures padulong sa aktibidad nga laumang dagsaon kini sa mga tawo tungod kay abli kini alang sa publiko.
“Bisan pa wala tayong na-monitor na mga threat dinhi sa Davao City, padayon lang gihapon natong gi-intensified ang atong mga security measures kay naa pa ‘tay gipaghandaan ‘yung inauguration ng ating Vice President-elect Sara Duterte,” sulti ni Comia.
Gilauman usab ang presensya ni outgoing Philippine President Rodrigo Duterte atol sa pagpanumpa sa anak niini nga ipahigayon sa San Pedro Square, Davao City.
Gawas sa presidente, gibutyag usab ni Mayor Christina Frasco, spokesperson ni Duterte-Carpio nga lakip usab nga giimbita sa inagurasyon mao si outgoing VP Leni Robredo, President-elect Ferdinand “Bongbong” Marcos Jr. ug mga milabay’ng tag-as nga lider sa nasud.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
