Sobra nga kalipay ang nabatyagan ni Gloria Lauron sang Maite Grande, Lambunao, Iloilo kag tiya ni Fr. Teresito ” Chito” Suganob sang iya nabalitaan nga na-rescue ang iya hinablos gikan sa kamot sang Maute Group.
Suno kay Lauron, apisar tuman na kadugay nga wala sang balita kon ano na ang kahimtangan ni Fr. Chito, nagalaum sila nga buhi pa ang iya hinablos.
“Thank You Lord” naman ang una nga mga tinaga nga nagkawas sa iya baba sang nahibaluan nga buhi pa kag natigayon nga ma-rescue si Fr. Chito Suganob.
Nahibaluan nga 117 ka adlaw nga nangin bihag sang Maute Group si Fr. Suganob humalin sadtong nagpang-atake ang terorista nga grupo sa Marawi City sang nagligad nga Mayo.
Facebook Comments
