Ang mga dinakpan giilang sila si Jerwin Elemino, Archie Ocado, ug Vernie Jumawan, pulos hamtong ang mga pangidaron, ug nagpuyo sa lahi-lahi nga Barangay sa dakbayan.
Nasayran nga ang tulo naglingaw-lingaw og chikicha sa Km. 13, Barangay Panacan sa kilid sa bodega ug dunay residente ang nagtaho sa Sasa Pnp labot sa pagsugal sa mga PUJ Drivers.
Busa gimandaran sa Hepe nga si Police Major Jake Goles ang iyang mga intel operatives nga susihon ang gibug-aton sa inpormasyon ug nakonpirma ang pagsugal sa tulo.
Gilayon gikasa ang operasyon bandang 2:00 sa hapon ug gisuhid ang lugar ug akto gayod nga nasapon ang tulo nga nagdula og chikicha.
Nakumpiska sa ilang mga posisyon ang baraha ug kwarta nga ilang pusta ug maoy gamiton nga ibidinsiya sa pagtaral na sa kaso sa korte batok sa tulo ka PUJ Drivers.
RadyoMaN Joel Viray
