Davao City – Dali gidala sa balay tambalanan ang usa ka alyas Sam, 29 anyos human dunggaba sa manghod niining si alyas Rolly, 21 anyos nahitabo sa Brgy. Tacul, Magsaysay, Davao del Sur.
Matud pa nga hubog ang duha ug nagkalalis sulod sa ilang panimalay.
Matud sa report sa Magsaysay Municipal Police Station, buak sa botelya sa beer ang gigamit nga pagpanunggab sa manghod ngadto sa iyang magulang ug nakahiagom kini og samad sa nawng ug kilay.
Ginasuta pa sa kapulisan ang tinuod nga hinungdan diin sa inisyal nga report, gumikan lang matud pa sa grabeng kahubog ang hinungdan sa panag away sa magsuon.
RadyoMaN Renz Barbarona
Facebook Comments
