Davao City – Nasikop sa buy bust operation ang upat ka mga indibidwal atol sa gibuhat nga buy bust operation sa Sta. Ana PNP.
Ang mga dinakpan mao sila si Nur Cedric Daud, alias Cedic, 26 anyos, laborer, Aliezer Adjaluddin, 48 anyos, fish vendor, Edno Hassan Samodin, 38 anyos, driver, Jaed De Castro, 19 anyos, estudyante, parehong nagpuyo sa Brgy. 21-C ug usa ka menor de edad nga si alias Melvin human napalitan sa kapulisan og usa ka sachet nga shabu bugti ang P500.00 buy bust money.
Narekober sa awtoridad ang laing duha ka paketeng shabu nga dunay estimated street market value nga P1,000.00, usa ka unit nga cellphone nga maoy gigamit sa transaksiyon ug drug paraphernalia.
Ang mga dinakpan nga sila Daud, Adjaluddin ,Samodin ug De Castro gipriso sa Sta. Ana Police Station ug mag-atubang sa kasong kalapasan sa RA 9165 (Comprehensive Dangerous Drugs Act of 2002) samtang ang menor de edad gikustodiya sa Bahay Pag-asa sa dakbayan sa Davao.
RadyoMaN Don Pulayao
