Davao City – Nagmalampuson ang nahitabong lihok-protesta gikan sa mga progresibong grupo sa Freedom Park, Davao City, ning adlaw’ng Biyernes, Mayo 1, 2026 kung aha gipanawagan nila ang ‘Sahod Itaas, Presyo Ibaba’ subay sa selebrasyon sa ika-124 nga Adlaw sa Mamumuo.
Sa pakighinabi sa DXDC RMN Davao kang PLt. Jerex Cagurol, nagmalinawon kun generally peaceful ang maong rally gumikan matud pa ‘peace loving’ ang dakbayan diin, pinaagi sa tarong nga pakigpulong sa mga raleyista, mamahimong hapsay ang pagpanawagan sa mga indibidwal ngadto sa lokal ug nasyonal nga paggamhanan.
Dugang ni Cagurol nga hugot sab nilang gipatuman ang ‘culture of security’ sama sa pagdili sa paggamit ingon man pagdala sa backpack, non-transparent water bottle ug mga hinagiban.
Gani, luyo sa kusog nga bundak sa ulan, gipadayon gihapon sa maong grupo ang pagpadayag sa ilang mga mulo ngadto sa gobyerno kauban ang hugot nga seguridad sa dakbayan alang sa tarong ug hapsay nga katikaran sa palibot.
RadyoMaN Makoy Tamondong
Facebook Comments
