UPDATE|Kaso sa pagpanglugos sa amahan sa ilang anak gikaalarma sa CSWD

General Santos City–Aminado ang CSWD nga alarming na ang kasong lugos nga natigayon sa syudad nga suspek ang amahan. Kini ang nahimong reaksyon sa ahensya human laing kaso na usab sa amahan ang natala sa buhatan sa kapulisan nga nanglugos ug anak.

Sumala ni Arlene Bilbao, ang spokesperson sa CSWD nga imbis ang amahan maoy moprotektar sa ilang mga babayeng anak dunay pipila na nuon ka kaso nga ang amahan pa maoy nang-aboso.

Usa sa mga gidudahan ni Bilbao nga hinungdan sa pagdaghan sa kaso sa amahan nga nalambigit sa pagpanglugos sa ilang anak mao ang problema sa pamilya.


Gibutyag usab niini nga ang buhatan sa CSWD ang andam gyud nga muhatag ug ayuda sa mga biktima sa pagpangmolestya sa ilang amahan.

Facebook Comments