Kusang loob na sumuko sa Santa Municipal Police Station (MPS) sa Ilocos Sur ang isang wanted person na nahaharap sa kasong Estafa by Means of False Pretenses, dahilan upang mapayapang maipatupad ng mga awtoridad ang warrant of arrest laban sa kanya.
Ang akusado ay nahaharap sa kasong paglabag sa Article 315 (2)(a) ng Revised Penal Code kaugnay ng Republic Act No. 10175 o Cybercrime Prevention Act of 2012. Itinakda ng hukuman ang piyansa sa halagang ₱18,000.00.
Matapos ang pagpapatupad ng warrant, ipinaalam sa akusado ang kanyang mga karapatang nakasaad sa Saligang Batas. Isinailalim din siya sa medical examination bago dinala pabalik sa Santa MPS para sa booking at dokumentasyon, at kalaunan ay iniharap sa hukuman na naglabas ng warrant.
Samantala, muling iginiit ng Santa Municipal Police Station ang kanilang patuloy na pangako sa maagap, makatarungan, at propesyonal na pagpapatupad ng mga utos ng hukuman, kasabay ng paggalang sa mga karapatang konstitusyonal ng bawat mamamayan. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
