Kalibo, Aklan — Arestado rong sangka wanted sa kasong homicide sa Brgy. Buhang, Manduriao, Iloilo City matapos ro kapin napueong dag-on nga pagpinanago.
Nakilaea ro nasambit nga suspek kay Arc Ruiz y Laurente, 35-anyos ag residente it Brgy. Bakhaw Norte, Kalibo, Aklan.
Gin-aresto si Ruiz ko gintingub nga pwersa it Kalibo PNP ag Iloilo City Police station 5 pinaagi sa bisa kung warrant of arrest nga ginpaguwa it Regional Trial Court 6, Kalibo, Aklan ko Setyembre 2006 sa kasong 3 counts it homicide.
Nagtaeana man rong korte it pyansa nga tig 40,000 pesos sa kada counts para sa anang temporaryong kahilwayan.
Temporaryo nga naka detain sa lock up cell it Iloilo City Police Station 5 rong suspek ag igaturn over sa korteng natungdan.
Facebook Comments
