Patay na nga napalgan ang lawas sa usa ka welder nga taga Libona, Bukidnon didto sa Bulua, Cagayan De Oro City, pasado alas 7:30 sa buntag kagahapon.
Gipanag-iyahan ang patayng lawas sa usa ka Leopoldo Cortez Labtan, 38 anyos, adunay kapuyo, welder, ug residente sa Purok-2, Barangay Nangka, Libona, Bukidnon.
Sumala sa report, nga pasado alas 6:30 kaganihang buntag, gisuwayan pa og pukaw sa kauban niini ang maong lalaki apan wala na kini sinyales sa kinabuhi. Wala usay nakita nga “foul play” ang mga kapulisan sa kamatayon niini.
Gidala sa Bollozos Funeral Services sa Cagayan De Oro City ang maong patayng lawas samtang giabisuhan sa kapulisan ang mga kabanay niini sa pagpa-otopsiya sa patayng lawas aron masuta ang hinungdan sa kamatayon niini.
Facebook Comments
