“Workers’ Rest Law” gipanghinaut nga mapasar

45
Davao City – Naglaum ang usa ka trabahante nga mapasar ang subling giduso nga sugyot-balaodnon nga “Workers’ Rest Law” o ang House Bill 10717 ni Senador Francis Tolentino.

Sa interbyu sa DXDC RMN Davao kang Belinda Petravicius, usa ka empleyado, gisaysay niini nga adunay mga employers nga gina-abuso ang oras sa mga trabahante bisan panahon sa ilang pagpahulay.

Pagpasabot ni Petravicius, mas mamahimong efficient ug effective o kaha produktibo ang usa ka employee sa iyang trabaho kung mahatag kanila ang sakto nga pagpahulay.

“Isip usa ka trabahante, nakita nako nga kinahanglan gyud og relax ang mga trabahante mentally ug physically ug para pud makahatag og time sa ilahang pamilya,” sulti ni Petravicius.

Nasayrang sa provision sa maong balaodnon mamahimong multahan ang employer, manager, o supervisor og P1,000 matag oras kung pugson sa pagpatrabaho ang usa ka employee atol sa iyang rest hours.

RadyoMaN Kirby Manzon

Facebook Comments