Yours Truly iFM January 17, 2022

50
Yours Truly iFM January 17, 2022 With iDol Julee Strawberry And iDol Bruno Banana (Photo from web/No Copyright Infringement)

Dear iFM,
Maayad-ayad nga hapon sa inyo tanan mga paborito ko nga iDol sa iFM.
Ako si August sang Lambunao, Iloilo, 25years kag in a realtionship for 4 years.
Last year nagkaproblema ang amon relasyon sang akon nobya sang nag- trabaho ako sa Manila. Pirme sya naga sunggod sa akon kag kada sunggod nya naga-upod sya sa iban nga lalaki nga kuno friend nya lang, kag nagalagaw kun diin.
Ginpalagpas ko lang ang tanan nga nahibaluan ko kag nag-upod kami liwat sang pagbalik ko diri sa Iloilo.
Ang problema ko subong kay daw indi na bala amo ang dalagan sang amon relasyon. Naga-upod kami pero indi ko na mabatyagan ang iya sincerity. Nagahambal lang nga “I LOVE YOU” pero daw wala na damil. Bisan ang iya mga hugs and kisses malas-ay na.
Mga iDol nakapamat-ud na ako nga kun mag-amo na lang sini maayo pa nga tapuson na lang ang amon relasyon.
Paano ko ihambal sa iya nga mabulagay na lang kami mga idol? Daw indi abi manami sa isa ka lalaki nga sya pa ang makipag-break sa babaye. Feeling ko daw indi ako gentleman kun himuon ko ini.

Yours Truly,
August

Facebook Comments